Ons kan nog steeds nie trek nie!

Die frustrasie loop hoog in die Henning vuurhoutjieboks-grootte huishouding. Die huis waar ons wil intrek is nie gereed nie. Hulle is nog besig met veranderings in die badkamers, verfwerk, ens. Gelukkig kan ons langer aanbly in die woonstel, maar ons moet 21 dae kennis gee wanneer ons wil trek. Die bokse is van hoek tot kant opgestapel op die een parkeerplek tot teen die dak. Omtrent alles is gepak en staan die spasietjie vol in die woonstel, maar dit is 'n kwessie van "all dressed up and nowhere to go". Adriaan is met vakansie, maar die trek gaan na die vakansie plaasvind. So brom ons elke aand in mekaar se ore, maar ons weet nog nie wanneer ons kan trek nie. Ons het begin uitkyk vir 'n ander huis, maar kon nog nie iets soortgelyks kry nie. Maar glo my, elke hond kry sy dag en 'n brak..... kry 'n week!

Ons gunsteling winkel in die stad

Kos- en Wynfees in Manly

Ons is Saterdag Manly toe en het vriende van die werk daar ontmoet by die kos- en wynfees. Daar was geweldig baie mense en ons het nie gedink ons sal kan kuier nie, maar ons het 'n plekkie op die pawiljoen by die strand gekry en lekker gesels. Ons het so baie gebabbel dat ons nie eens 'n foto van die groep geneem het nie.

Jy koop 'n glas wat jy om jou nek kan hang, dan is daar 'n klomp stalletjies waar jy kos en wyn kan koop. Ons het die Suid-Afrikaanse restaurant se "steak rolls" gekoop. Jy kan nie verkeerd gaan met Suid-Afrikaanse vleis nie.

Trek uitgestel

Die trek is uitgestel....maar nie vir lank nie. As gevolg van baie lekker reën is die werk by die huis nie klaar nie. Ons aansoek is aanvaar, maar ons kan nie by die huis uitkom nie. Die oprit na die huis toe is te steil vir 'n gewone voertuig en dit is opgekap. Dit word al langs die helling herlei. Intussen het dit so baie gereën, dat die werk vertraag is. Ons moet nou nog 'n maand in die woonstel aanbly. Daar is baie slaapkamers en ons sien uit daarna om dit oor Kersfees vol te maak. Ons Ellis ouers, ons Nico seun en sy vriendin kom kuier oor Kersfees en Nuwejaar. Ons kan nie wag nie!

Ons kan amper trek

Ons hoop om hierdie huis te kry om te huur.

Huis soek

Teen die einde van die maand is ons een jaar in Sydney. More begin die groot soek na 'n nuwe blyplek. Die woonstel is hopeloos te klein. Meer as helfte van ons bokse en meubels is opgestapel op een parkeerplek en in een kamer. Ons kan nie wag om in 'n groter plek in te trek nie! Die woonstel waarin ons bly is verkoop en ons huurkontrak verval in Junie.

Nico het baie tyd spandeer aan huis soek op die internet. Huur huise is minder skaars en meer bekostigbaar as toe ons verlede jaar hier gekom het. Die agente adverteer 'n tyd wanneer 'n huis oop is vir inspeksie. Die tyd is enige iets tussen 15 minute en 45 minute. Jy moet dan baie seker maak jy is in daardie tyd daar en dan moet jy sommer dadelik 'n aanbod teken, anders verloor jy die huis. Verlede jaar het ons nog nie 'n kar gehad toe ons huis gesoek het nie en dit is nou baie makliker. Ons ken die stad en vervoerstelsel ook beter as toe ons hier gekom het. Adriaan wil nie van skool verskuif nie en ons weet ten minste waarheen hy elke dag van die openbare vervoer moet gebruik maak. So kan ons huise soek waar dit maklik is vir hom om by die skool te kom en vir my om by die werk en die klante te kom.

Een van my kollegas is al langer as 5 jaar hier en het 'n groot Suid-Afrikaanse netwerk opgebou waarby ons ook ingeskakel het. Die manne kom elke tweede week een aand bymekaar by 'n hotel waar hulle 'n vleisie braai en bier drink. Sodra ons in die huis is, kan ons van hierdie mense en van my kollegas nooi vir ete...ons sal net moet eetkamer stoele koop. Ons kan nie wag om te trek nie!